Search This Blog

Sunday, June 23, 2013

UJIO WA RAIS OBAMA TANZANIA WAWATESA MACHINGA NA WAUZA MAGAZETI POSTA

 Na. Issa Gombera

Rais Barack Obama wa Marekani  akisalimiana na Rais  Jakaya  Kikwete alipotembelea nchini Marekani hivi karibuni
Rais Obama
Hali  ilivyo kwa  sasa  eneo la Posta  mpya  jijini Dar es Salaam baada ya wafanyabiashara  ndogo ndogo machinga  na  wauza magazeti na vocha  eneo  hilo  kuondolewa na mgambo  wa  jiji katika zoezi la kusafisha jiji kwa ajili ya ugeni  huo mkubwa nchini

.....................................................

ZIKIWA zimebaki  siku chache kabla  ya  Rais  wa Marekani Barack Obama  kufanya  ziara  yake chini Tanzania ,wafanyabiashara  ndogo ndogo maarufu kama Machinga na  wauza magazeti na  vocha eneo la Posta mpya  jijini Dar es Salaam  wamedai  kunyanyasika na mgambo  wa  jiji kupitia msako mkali unaofanyika .
Msako  huo  umeanza mapema asubuhi ya  leo katika  eneo hilo la Posta na maeneo mbali mbali ya jiji la Dar es Salaam ambako msafara wa Rais Obama utapita kutokea  uwanja  wa kimataifa  wa ndege wa Mwalimu Julius Nyerere kuelekea Ikulu ya Dar es Salaam 

Wakizungumza na mtandao  huu wa www.matukiodaima.com baadhi ya  wafanyabiashara  hao ambao wamelazimika  kusitisha shughuli za biashara  zao  eneo  hilo ,wamesema  kuwa mbali ya ujio  huo  wa Rais Obama nchini  kuwa ni heri kwa Taifa  ila kwa upande  wao wanapinga hatua ya mgambo  kuwanyanyasa kwa  kuwatimua  eneo hilo ambalo  siku  zote  wamekuwa wakifanya kazi na mbaya  zaidi  wameamua kuwatimua hadi  wauza magazeti .

 Alisema mfanyabiashara  Ally Husein  kuwa  kutokana na siku ya  ziara ya Rais Obama  kuwa bado kama  takribani siku 12 mbele  ni  vema uongozi  wa jiji na mkoa  wa Dar es Salaam ukatumia busara  zaidi kwa  kuwaacha kwa  siku hata 7 mbele ama tano  ili  waendelee na biashara kwa ajili ya  kujitafutia mahitaji yao ya  kila  siku kuliko kuwazuia kuanzia leo .

"Kweli  ujio  huu  wa Rais Obama  unatutesa  sana  sisi  walalahoi ambao tunategemea  kuendesha maisha  yetu kwa kuwepo hapa Posta kwa kufanyabiashara za kuuza magazeti na vocha.....Serikali ya mkoa  wa Dar es Salaam tunaomba ilitazame kwa undani  zaidi suala  hili la kutulaza njaa kwa siku zote 12 bila kufanya shughuli"

Hata  hivyo alisema  kuwa  idadi kubwa ya  wafanyabiashara  eneo hilo wamekuwa wakiendesha biashara  zao kwa kupitia mikopo hivyo kuzuiwa kwa muda  wote  huo kutawaharibia mwelekeo  wa kimaisha  .

Hivyo  alishauri  serikali kuwa katika maandalizi ya  ujio  wa Rais  Obama nchini  bado  kutumia njia nzuri ya  kuweka  jiji  safi pasipo kuwaumiza  wananchi  wenye  kipato cha chini wanaofanya  shughuli zao katika eneo hilo.

"Hivi kama  siku  zote  tumekuwa  tukiuza magazeti katika eneo hilo na hakukuwa na uchafuzi  wowote wa mazingira  leo serikali inatuondoa eneo hili na kutuona kama ni uchafu ....kweli katika  hili ni  kutunyanyasa  wanyonge

Monday, June 17, 2013

KIFO CHA MANGWEA MAPYA YAIBUKA

KIFO CHA NGWEA... MAPYA YAIBUKA!

Na Waandishi Wetu
HUKU mwili wake ukitarajiwa kuwasili Bongo kesho, kifo chake Albert Mangweha ‘Ngwea’ kilichotokea katika hali ya utata Mei 28, 2013 nchini Afrika Kusini, kimeibua mambo mapya, Ijumaa Wikienda lina mzigo wote.
Picha ya Mangweha iliyowekwa kwa ajili ya waombolezaji.
MAMA MANGWEA NAYE AZIDIWA, AKIMBIZWA HOSPITALI YA MKOA 
Habari kutoka msibani Moro jana zilisema mama mzazi wa marehemu Mangwea, Denisia Mangwea naye alizidiwa na kukimbizwa katika Hospitali ya Mkoa wa Morogoro kwa matibabu zaidi.
Kwa mujibu wa baadhi ya waombolezaji msibani hapo, mama huyo alipata mshtuko wa moyo kufuatia kifo cha mwanaye ambapo taarifa za kifo hicho zilimshtua tangu Jumanne mpaka alipozidiwa jana. 
Msanii M to the P akiwa hospitalini. (Picha kwa hisani ya Clouds FM.)
HABARI KUTOKA SAUZI SASA
Habari kutoka kwenye Jiji la Johannesburg ambako Ngwea alifia, mtiririko wa maelezo ya wenyeji wa Mangwea na Mgaza Pembe ‘M 2 The P’ nayo yanaibua mapya ambayo awali yalikuwa hayajulikani. 

MAELEZO YA SAUTI ZA WENYEJI
Wakizungumza hewani kupitia redio moja ya jijini Dar, wenyeji wao wawili waliojitambulisha kwa jina moja moja la Godfrey na Godluck ambao walikuwa na Mangwea na M 2 The P, kila mmoja alisema lake huku maelezo yao yakionesha dalili ya kutofautiana au kuzua maswali masikioni mwa watu.
Mama mzazi wa Mangwea, Denisia Mangwea.
KUMBE WALITOKA KLABU SALAMA
Godluck siku hiyo aliwaendesha wawili hao kutoka klabu kurudi nyumbani walikofikia kwa wiki mbili nyuma ambako ni kwa Godfrey. Godluck alikuwa akitumia gari lake.
Kwa mujibu wa Godluck, waliondoka klabu alfajiri kurudi nyumbani kwa Godfrey au God wakiwa salama salimini. Waligonga mlango, God akatoka kufungua, wakaigia ndani wote.
Godluck anaishi sehemu tofauti na nyumba hiyo, lakini kwa sababu saa 2:00 asubuhi Ngwea na M 2 The P walitakiwa kurejea Bongo na ni yeye ndiye aliyetakiwa kuwapeleka uwanja wa ndege, hivyo aliamua kulala palepale.
Alisema wakiwa chumbani, watu wanne, yeye, Ngwea, M 2 The P na mwenyeji Godfery, Ngwea alianza kuonesha dalili za kushangaza.
Balozi wa Tanzania nchini Afrika Kusini Radhia Msuya (katikati) akibadilishana mawazo na baba mdogo wa marehemu David Mangweha (kulia) na mama mdogo Ella (kushoto).
“Kule chumbani Ngwea alikuwa ananilalialalia huku amelegea, nikawa namuuliza we vipi? Hanijibu, mara akanitapikia, nikamwamsha hakuamka, nikamwamsha God (Godfrey) na kuuliza huyu vipi? Nikamwamsha M 2 The P, nikamuuliza huyu vipi, mbona ananitapikia, akasema huyo ndiyo zake akilewa huwa anakuwa hivyo, si unajua mambo yake tena,” alisema Godluck akikariri maneno ya M 2 The P.
Aliendelea kusema kuwa ghafla alimuona M 2 The P naye kama akaanza kuzidiwa. “Nikamuuliza we vipi? Lakini nikajua labda ni haya mambo yao, maana unajua mimi nilikuwa siwaelewielewi,” alisema Godluck.
Alisema ilipofika saa mbili asubuhi, akiwa anajua wasafiri hao wameshachelewa ndege, yeye aliamua kuondoka kurudi kwake ambako si mbali akipanga kwenda kulala hadi mchana.
Akasema: Lakini nikiwa nakwenda nyumbani, NILIMPIGIA SIMU MIDO, dogo mmoja anaishi jirani, nikamwambia wale jamaa (akina Ngwea) kama wamezidiwa, nenda kawacheki.
Alisema akiwa amelala, aliamshwa na simu ya Mido, akaipokea na kuambiwa hali za jamaa hao ni mbaya sana hivyo yeye akalazimika kwenda na kuwapakia kwenye gari lake WOTE WAWILI hadi Hospitali ya St. Hellen Joseph  ambako ilithibitishwa na daktari kwamba, Ngwea aliaga dunia ila M 2 The P hali  tete.

MAELEZO YA GODFREY SASA
“Siku ya mwisho, walitoka wakarudi asubuhi, wakanigongea mlango, nikawafungulia. Wakaingia, Ngwea akaniambia NICHUKUE ‘KONTAKTI’ (mawasiliano) yake, nikachukua notebook yangu na kuandika. Walikuwa wazima kabisa.
“Basi, tukawa tunaongeaongea pale kama mtu wa kawaida tu. Hakuniambia kama anaumwa popote wala hakula chochote.
“Baadaye ndiyo wote wawili wakazidiwa, tukawachukua kuwapeleka hospitali ambako daktari alisema Ngwea alifariki dunia lakini M 2 The P hali yake ilikuwa mbaya akalazwa kwenye chumba cha wagonjwa mahututi (ICU).”

KUNA MADAI MAITI YA
NGWEA ILITUPWA NJE YA JIJI
Mtangazaji alimuuliza Godfrey kuhusu madai kwamba, kabla ya Ngwea kupelekwa hospitalini, mwili wake ulikutwa nje ya Jiji la Johannesburg ukiwa umetupwa.
Godfrey: Si kweli, alizidiwa palepale nyumbani ndiyo tukamchukua kumpeleka hosptali. NGWEA NILIMPAKIZA KWENYE GARI LANGU, mwenzake alikuwa kwenye gari la nyuma. 

MASWALI MAGUMU
Katika maelezo ya wawili hao, Godluck alisema alipokuwa anarudi kwake, alimpigia simu dogo anaitwa Mido na kumwambia kuhusu kuzidiwa kwa akina Ngwea aende akawacheki, kwa nini asimpigie simu Godfrey ambaye ndiye mwenyeji wa wawili hao, ndiye aliyewafungulia mlango na ndiye aliyemwamsha  kumwambia kuhusu hali ya Ngwea?
Godluck yeye alisema aliwapakia wawili hao kwenye gari lake hadi hospitali, lakini Godfrey alisema alimpakia Ngwea kwenye gari lake na M 2 The P alipakiwa kwenye gari jingine la nyuma yake (labda la Godluck).
Godfrey, kwa mtangazaji alikiri kuishi na Ngwea kwa wiki mbili, lakini pia akasema usiku wa kuamkia kifo chake marehemu alimpa mawasiliano, ina maana hakuwa na kontakti za Ngwea kwa siku zote kumi na nne alizoishi pale?

MANENO YA MAMA YAKE MZAZI
Jumamosi iliyopita, mwandishi wetu mkoani Morogoro alifika msibani na kufanikiwa kukutana na mama mzazi wa Ngwea, Denisia Mangwea akiwa na majonzi mazito ambapo alisema:
“Mwanangu Albert amekwenda, najua sitamuona tena katika maisha ya duniani, inaniuma sana. Nilimpenda sana na yeye alinipenda sana lakini Mungu kaamua kumchukua.”

MAZIKO
Kumekuwa na utata wa kuwasili kwa mwili wa marehemu Ngwea, awali ilidaiwa ungefika jana na kuzikwa Jumanne, Kihonda Morogoro, lakini baadaye ikadaiwa mwili huo sasa utawasili kesho Jumanne.
Wakati hayo yakiendelea, jana Balozi wa Tanzania nchini Afrika Kusini, Radhia Msuya alikwenda nyumbani kwa baba mdogo wa marehemu Ngwea, David Mangwea, Mbezi Beach, Dar na kusaini kitabu cha maombolezo.
MUNGU ailaze pema peponi roho ya marehemu Mangweha. Amina.

Sunday, August 26, 2012

KIPAJI KUTOKA DODOMA

image

Huyu ni Godfrey Kato aka Jamaa aliyeongoza kwa swagga kwenye usaili Dodoma! Ana miaka 20 na amehitimu kidato cha sita. Godfrey alituambia kuwa "Music is my life" yaani "Muziki ni maisha yake". Amekuja EpiqBSS kujifunza na kujiendeleza kimuziki. Endelea kumfuatilia kujua kama ataweza kufuzu kuingia 20 bora.

Saturday, July 28, 2012





Look at this pic careful,,,moja ya vitu tulivyotofautishwa na wanyama na ndege ni Akili ya kujua mema na mabaya,tizama hao ndege na huyo mbuzi hawana akili kabisa lakini wanapendana ndio maana unaona wako pamoja ILA binadamu aliyepewa akili ana roho mbaya sana,katika mafundisho ya YESU KRISTO alisema neno kuu nawapeni PENDANENI.
Hata uwe na uwezo wa kuhamisha milima kama huna upendo ni bure,mpende jirani yako kama unavojipenda,upendo haujivuni,hauhesabu mabaya,hautakabari,hauhusudu…..nk,1WAKORINTHO 13.Mungu ana akili sana kutuumba kwa mwili huu wa nyama laiti kama angetuumba kwa vioo au sightmirror ili uweze kuona mwenzako anakuwazia nini?anakufanyia nini?anapanga nini juu yako ungekuta ni heri ukaishi msituni na wanyama wakari kuliko kukaa na binadamu.
Katika tafiti zangu nimegundua kuna dawa mbalimbali mfano ya kichwa,homa,nk Lakini dawa ya Chuki na roho mbaya hakuna,,kama hiki kingekuwa kipindi kama kile cha zamani za Sodoma na Gomora au cha Nuhu ambacho Mungu alikuwa akiadhibu hapo hapo watu wengi sana wangeumbuka hasa wale wanaojifanya wasafi usoni lakini rohoni ni tofauti,Mungu atusaidie sana hasa sisi vijana tujue kusimama katika ukweli na uwazi,tuubebe upendo wa dhati toka rohoni huku mdomoni tukitamka amani ya kweli impendezayo Mungu ili watoto wetu waje watuenzi kwa mazuri na dunia ijivunie uwepo wetu.

Read more: SIKU CHACHE KABLA HAJAFARIKI, STEVEN KANUMBA ALIANDIKA MANENO HAYA:TAFAKARI - BongoCelebrity 

Sunday, October 23, 2011

MTOTO MWINGINE WA GADDAFI AUAWA



Serikali ya Libya inasema kuwa mtoto mwanamume wa Kanali Gaddafi, pamoja na wajukuu watatu, waliuwawa katika shambulio la karibuni la ndege za NATO dhidi ya Tripoli.

Msemaji alieleza kuwa kiongozi wa Libya mwenyewe alisalimika katika nyumba hiyo alimokuwa akiishi mwanawe, Saif Al-Arab Gaddafi.
NATO, kwenye taarifa yake, inasema ililenga pahala pa uongozi wa shughuli za kijeshi, haikulenga mtu maalumu, lakini inasikitika kuwa kuna watu walikufa.
Hakuna maiti waliooneshwa lakini shambulio hilo lililenga eneo la makaazi mjini Tripoli.
Serikali inasema watu wane waliuwawa, yaani Saif al-Arab, mtoto mwanamme mdogo kabisa wa Gaddafi, na watoto wa Saif watatu.
Mwaka 1986, Gaddafi alipoteza mtoto wa kike, katika shambulio la ndege za jeshi la Marekani.
Msemaji wa Libya, Moussa Ibrahim, anasema shambulio la jana ni ushahidi wa wazi kuwa sasa kiongozi wa Libya, na familia yake, wanalengwa.
Punde NATO ilitoa taarifa kusema kuwa inaendelea kulenga vituo vya uongozi vya serikali lakini haiwalengi watu fulani.
Msemaji wa serikali, Moussa Ibrahim anadai kuwa Kanali Gaddafi na mkewe walikuwako ndani ya nyumba hiyo wakati wa shambulio hilo, lakini ni shida kuona vipi aliweza kunusurika bila ya kujeruhiwa, katika uharibifu uliosababishwa na makombora matatu yaliyoangushwa papo kwa papo.
Uchina na Urusi katika baraza la Usalama la Umoja wa Mataifa, zina wasiwasi kuwa NATO inapindukia idhini ya mwaka 1973.

GADDAFI ALIVYOUAWA

TRIPOLI, Libya
Wapiganaji dhidi ya Muammar Gaddafi wakionesha karavati ambalo kiongozi huyo alikuwa amejificha

UTAWALA wa Kanali Muammar Gaddafi nchini Libya umefikia kikomo jana baada ya kiongozi huyo kuuawa katika mapigano ya
waasi ya miezi minane ya kuuondoa kumwondoa katika madaraka aliyokalia kwa miaka 42.

Gaddafi alikufa kutokana na majeraha aliyoyapata jana katika mapigano hayo, yaliyosababisha kujeruhiwa vibaya katika miguu yake miwili, na kufariki dunia muda mfupi baadaye.

Jinsi alivyouawa

Kwa mujibu wa taarifa za viongozi wa Serikali ya Mpito Libya (NTC), kiongozi huyo alikufa jana baada ya kukamatwa katika mji wa Sirte alikozaliwa. Hata hivyo, habari za kuuawa kwake zilijaa na utata kutokana na kuelezwa mazingira tofauti.

Mmoja wa walioshuhudia mauaji hayo, Bw. Abdel Majid Mlegta ambaye ni mmoja wa maofisa wa ngazi ya juu wa NTC, katika mahojiano na Shirika la Habari la Uingereza (Reuters), alisema kuwa kiongozi huyo alikufa baada ya kupigwa risasi kichwani.

"Gaddafi alipigwa risasi kichwani," Bw. Mlegta alisema na kuongeza kuwa kulikuwepo na mashambulizi makali dhidi ya wafuasi wake.

Bw. Mlegta aliiambia Reuters kwamba mbali na kupigwa kichwani, Kanali Gaddafi, alikamatwa baada ya kujeruhiwa miguu yote miwili, wakati akijaribu kukimbia na msafara ambao ulishambuliwa na ndege za NATO.

Mauji hayo ambayo yalikuja baada ya kukamatwa, ni miongoni mwa mapinduzi  makubwa zaidi katika ukanda wa nchi za Kiarabu ambayo yalizing'oa tawala za Misri na Tunisia na kutishia usalama wa viongozi wa Syria na Yemen.

Mkuu wa majeshi auawa

Kamanda wa Brigedia ya 11, Bw. Abdul Hakim Al Jalil, alisema kuwa Mkuu wa majeshi ya Kanali Gaddafi, Bw. Abu Bakr Younus Jabr naye aliuawa, na alishuhudia mwili wake.

Pia, Ofisa mwingine wa NTC, alisema kuwa pia Bw. Moussa Ibrahim, msemaji wa Bw. Gaddafi, alikamatwa karibu na mji wa Sirte, alikouawa bosi wake.

"Moussa Ibrahim, vilevile amekamatwa na wote wamepelekwa chumba cha upasuaji," aliongeza.

Hata hivyo, awali Bw. Jamal abu-Shaalah, ambaye ni kamanda mkuu wa  NTC, aliiambia Al Jazeera, kwamba Kanali Gaddafi alikuwa amekamatwa, lakini haikuwa ikifahamiki wazi kama yupo hai ama amekufa, lakini alionekana akipumua.

Taarifa hizo zimekuja muda mfupi baada ya wapiganaji wa baraza la  NTC,kudaia kukuuteka mji wa alikozaliwa kiongozi huyo Sirte,baada ya wiki moja ya mapigano.

Taarifa zenye utata

Baada ta shambulio hilo taarifa za akila aina zilianza kusambaa, ambapo mmija wa wapiganai vijana, Bw. Mohammed (20) ambaye alikutwa akiwa amevaa kofia yenye maandishi yaliyosomeka New York Yankees, alisema kuwa Kanali Gaddafi alikutwa akiwa amejificha kwenye shimo ardhini.

Aliliambia Shirika la Utangazaji la Uingereza (BBC) kuwa kiongozi huyo wa zamani, baada ya kukamatwa aliwaeleza wapiganaji wasimpige risasi.

Mpiganaji huyo wa waasi alisema kuwa baada ya kujeruhiwa alisafirishwa kwa gari la wagonjwa hadi katika mji wa Misrata.

"Alichukuliwa na gari la wagonjwa," alisema mpiganaji huyo. "Allah akbar" (Mungu ni mkubwa), alisema mpiganaji huyo huku akirusha risasi hewani.

Sherehe Tripoli

Mwandishi wa BBC, mjini Tripoli, Bi. Caroline Hawley, alisema kuwa baada ya kupata taarifa hizo, milio ya meli na magali ilisikika katika mji huo huku milio ya risasi ikisikika hewani na watu wakishangilia.

"Hakuna vikosi vya Gaddafi tena," Kanali Yunus al-Abdali, aliiambia Reuters. "Kwa sasa tunawafukuza wapiganaji wake ambao wanajaribu kukimbia," aliongeza.

Friday, October 21, 2011


HUU NDIO UKWELI WA SKENDO YA WEMA NA DIAMOND KUACHANA,!!


Habari zilizoenea hivi sasa ni juu ya uvumi wa kuachana kwa waliokuwa wapenzi maarufu na wenye penzi la skendo hapa Tanzania,hapa namzungumzia Wema SEPETU n Naseeb Abdul,ambao kwa sasa inavyosemekana wawili hao wamepeana kibuti na kila mmoja anachukua hamsini zake.Uvumi huo uliibuka baada ya wana na wapenzi wanaochati kupitia BBM kupata sms kutoka kwa mrembo huyo akipigana vijembe na watu tofauti juu ya kuachana kwa wawili hao,huku Wema akionekana kutoa maneno ya kashifa na makali kwa watu mbalimbali ikiwemo waigizaji wenzake.Lakini wote wawili Wema na Diamond walipotafutwa na media tofauti kuzungumzia juu ya swala hilo hawakuwa tayari kutoa ushirikiano na Diamond hakupokea simu kabisa.